სპორტის საერთაშორისო დღე

ქ.ქუთაისის N33 საჯარო სკოლა, ადმინისტრაცია, მოსწავლეები და პედაგოგები, ეროვნული ოლიმპიური კომიტეტის იმერეთის (ქუთაისის) რეგიონალური ორგანიზაციის თანადგომით, გამოეხმაურა მსოფლიო სპორტის საერთაშორისო დღეს! ჩვენს სკოლას სტუმრობდა: იმერეთის ოლიმპური კომიტეტის თავმჯდომარე - რევაზ რობაქიძე. ა(ა)იპ სპორტულ გაერთიანებათა მმართველი-კობა ფხაკაძე. საქალაქო ღონისძიებების ხელმძღვანელი -მანანა მანაგაძე. ადგილობრივი თვითმართველობის ორგანოებთან ურთიერთობის სამსახურის უფროსი - დავით გორდელაძე; კახიანოურის მუნიციპალიტეტის წარმომადგენელი-ელიზა აბზიანიძე ესთეტიკური აღზრდისა და სპორტის კათედრა დიდი მონდომებით ჩაერთო ღონისძიების ორგანიზებაში. IIა და IIIა კლასის მოსწავლეებმა გააფერადეს სკოლის ეზოში დახატული ოლიმპიადის ლოგო. ბავშვებისთვის ეს აქტივობა საინტერესო და სახალისო აღმოჩნდა. სკოლის დერეფანში მოეწყო სკოლის წარმატებული სპორტსმენების ჯილდოების გამოფენა. მოსწავლეებმა წარმოადგინეს სპორტის სხვადასხვა სახეობაში მათ მიერ მოპოვებული მედლები, თასები და დიპლომები. ჩატარდა მხიარული სტარტები, სადაც ერთმანეთს შეეჯიბრნენ Vა და Vბ კლასის მოსწავლეები. ღონისძიებაში აქტიურად ჩართვისათვის კათედრა დაჯილდოვდა დიპლომით.